ඊරිසියාව කරපින්නගෙන තව තවත් ඉහලටම….

නෙරංජි ලියාපු ඉහළටම ජීවිතේ ඉණිමගේ කියන පෝස්ට් එක දැක්කාම සමනලීත් ඒකට පොඩිපහේ කමෙන්ටුවක් දැම්මා…. පස්සේ සමනලීට හිතුනා ඒ පොඩිපහේ කමෙන්ටුව තව ටිකක් හරිගස්සලා අරන් මෙන්න මෙහෙම පළ කරන්න…. කට්ටිය ඒකත් කියවලා බලන්නකො…..

ඕං මේක නෙරංජිගේ නිර්මාණය කොපි කරන්න හදපු වෑයමක් නෙවී හොදේ? මේ තියෙන්නේ ඒකෙන් කියවෙන දේ ඇත්ත බව සමනලීට දැනුනු විදියයි…….

ඉහලටම ඉහලටම
යන්නට ඕනා තව ඉහලටම
එයා යනවා නම් ඉහලට
අනේ බලා ඉන්නට නම් බෑ මට

කෝ බලමු කරන්නේ මොකක්ද කියා එයා
අහා..! ඒකයි එයාගේ රහස
දැන් ඉතින් කරන්නම් මමත්
කොපි කරලා එයාව ඒ විදියටම

කියන්න නම් හොද නෑ එයාට
දන්නවා කියලා මම එයාගේ රහස
තව ටිකක් පෙන්නුවොත් බොරුවට හොද මූණ
තව වාසි ගත හැකියි නෙව මට හොදට

අතාරින්න හොඳ නෑ එයාව
ඉන්න ඕනා පස්සෙන්ම හැම දේටම ඇඟිලි ගහගෙන
දැනගෙන එයාගේ රහස් මම
පරද්දන්න ඕනා එයාවම

හඃ හඃ එයා දන්නේ නෑ තව මගේ තරම

අහිංසක මූණෙන් බොරු අනුකම්පාවෙන්

වැඩේ කෙරෙනකල් මගේ තිතට

ඉන්නට ඕනා මේ විදියටම

ඉණිමගේ ඉහලටම ඉහලටම
පාගා දමා මනුසත්කම
ඊරිසියාව කරපින්නගෙන
නගින්නම් මම තව ඉහලටම….

මේ සමනලී අහපු දැකපු ඇත්තක්….සමනලීට විතරක් නෙවී ඔයාලටත් මේ වාගේ අයව අහන්න, දකින්න, ආශ්‍රය කරන්න ලැබිලා ඇති නෙව?

“ඒ තමයි ඉතින් සමාජෙ හැටි…. ඒ එයාලට හොද අය වෙන්න පින නැති නිසා. ඒත් ඔයා ඒ වාගේ වෙන්න එපා….” සමනලීගේ අම්මා නම් කීවෙ එහෙමයි…. අම්මා කීව ඒ කතාව කියෙව්වේ නැති අයට මෙතැනින් ඒක කියවන්න පුලුවනි.

ඔයාලටත් හිතෙන්නේ එහෙමද? සමනලීට කියලා යන්නකෝ…….

Advertisement