අපොයි මාසයක් කියන්නේ මොකක්ද? ඒත්…… අද හරිම විශේෂයි……

අද මාර්තු මාසේ 26 වැනිදා….. මුකුත් වි‍ශේෂයක්ද? ඇත්තටම ඔව්….. සමනලීට හරිම වි‍‍ශේෂයි……. සමනලීගේ උපන් දිනේ නම් නෙවී…. ආදර සැමරුම් දිනයක් එහෙමත් නෙවී….. හැබෑටම මොකක්ද එහෙනම්???

අදට සමනලී සිංහල බ්ලොග් එකක් එක්ක සයිබර් අවකාශේ පියාසලන්න ඇවිත් හරියටම මාසයක් සම්පූර්ණ වෙලා….. “

“අපොයි මාසයක් කියන්නේ මොකක්ද? අපි මේ අවුරුදු ගනන් බ්ලොග් ලියන්නේ?” කෙනෙක්ට එහෙම හිතෙන්න පුලුවනි ඒත්…..

තමුන්ගේම කියලා බ්ලොග් එකක් හදාගන්න දන්නේ නැතිව එහෙම එකක් ලියන්න ආසාව හිතේ පුරවන් හිටිය හැටි දන්නේ සමනලී විතරයි…. හැමදාම අනික් අයගේ සිංහල බ්ලොග් කියවලා ඒවයේ තියෙන දේවල් දිහා බලලා ඒවා කරන්න ඇත්තේ කොහොමද කියලා සමනලී තේරුම් ගත්තේ හරිම අමාරුවෙන්……

අන්තිමේ හරිම අමාරුවෙන් “හරියන්න හරි වරදින්න හරි කමක් නෑ” කියලා සමනලී මේක ලියන්න ගත්තේ හරිම ආසාවෙන්. මුල්ම පෝස්ට් එක දැම්මේ හරි සතුටින්….

“අනේ සමනලීට උදව් කරන්න…”  කියලා සමනලී ඉල්ලුවාම හුඟක් දෙනෙක් ආවා සමනලීට අත දෙන්න… තවත් හැඩට මේ සයිබර් අවකා‍ශේ පියාඹන්න…… ඒ හැමෝටම පින්….

සිංහල බ්ලොග් කියවනයටත්, ලාංකීය සිතුවිලි සින්ඩියටත් සමනලී හරිම සතුටින් ස්තූති කරනවා…. සමනලී ඉල්ලුම් කල ගමන්ම සාමාජිකත්වය දීලා සමනලීට හිතෙන හැටි අරගෙන පියාසලන්න ඉඩ කඩ වෙන් කරලා දුන්නට…..

මාසයක් යද්දී සමනලීව බලන්න ආපු යහලුවෝ ගනන 2500 ටත් එහා ගිහින්….. මේක යාන්තම් ගෙත්තම් කරන්න පටන් ගනිද්දී සමනලී හිතුවේ “අනේ අඩු ගානේ 10ක් වත් ඇවිත් ගියොත්….. අඩු ගානේ වැරද්දක් කියන්න හරි අනේ එකම එක කමෙන්ට් එකක් හරි ආවොත් හිත හදාගෙන දිගටම ලියන්නම්” කියලා…… එහෙම හිතපු සමනලී අද හරිම සතුටින්….. හිතාගන්නවත් බැරි තරම් සයිබර් අවකාශේ යාලුවෝ සමනලීව බලන්න ඇවිත් මේ වෙද්දී….. සමනලී ලියන දේවල් අගේ කරලා සමනලීව දිරිමත් කරන්න එකම එක කමෙන්ට් එකක් වෙනුවට කමෙන්ට් ගොඩාරියක් ලැබිලා……

මාසයක් සපිරුණු සමනලීට හිත පුරා සතුටු වෙන්න තවත් කාරණා මොකටද…?

පටන් ගැන්මේ ඉදන් මේ වෙනකල් සමනලීව බලන්න ඇවිත් පුංචිම හරි කමෙන්ට් එකක් ස‍ටහන් කරලා සමනලීට දිරි දුන්න හැමෝටමත්….. දහසක් වැඩ කටයුතු මැද උනත් කලබලෙන් ඇවිත් කමෙන්ටුවක් නොදා උනත් හරි සමනලීව බලලා යන්න ආපු ඔයාලා හැමෝටමත්, සමනලී ලඟින්ම ඉදන් මේ හැමදේම කරන්න සමනලීව දිරිමත් කරන සමනලීගේ අයිතිකාරයාටත්, සමනලීගේ ලිපි වල අකුරු විශාල කරන හැටි කියා දුන්න යාලුවාටත්……. මේ හැම දෙනෙක්ටම සමනලී‍ගේ අහිංසක ස්තූතිය මේ වෙලාවේ පිරිනමන්නේ හදවතින්මයි….!

(නම් ගම් වෙනම දාන්නෙ නෑ හොදේ… කාවහරි මඟහැරුනොත් ඒක හොද නෑනේ….)

දැන් නම් ඇත්තටම සමනලී උනන්දුව පිරුණු හිතෙන් මේක ලියන්නේ….. හැමදාමත් වගේ සමනලී බලන්න එන්න….. සමනලීගේ වැරදි පෙන්වන්න…. ඒ ඇයි දන්නවද…?

“අපි හැමෝම එක යායක හදවතින් බැදුනු මිතුරන් නිසා….

දුකේදිත් සැපේදිත් අපි අපි ගැන සොයා බලන නිසා……

කාගේ උනත් හිතේ පිපෙන නැවුම් සිතුම් මල්

මේ යායේ හැමෝගෙම සිත් වලට සුවඳ දෙන නිසා….

සමනලීගේ සිතුවිලි වලට පියාපත් ලැබුනේ

ඔයාලා වාගේ සොඳුරු යහලුවන් නිසා……”

ස්තූතියි හැමෝටම….. දහස් වාරයක්……!!!

Advertisement